Lionel Messi është blerja më e fundit e Inter Miamit, skuadrës që ka si pronar David Beckham. Sakaq, ylli argjentinas po përgatitet të shpërngulet me familjen e tij në Florida.
Sigurisht është një qytet, që si “Pleshti”, ashtu edhe fëmijët dhe gruaja e tij e duan, pasi e vizitonin shumë shpesh me pushime. Pikërisht për këtë arsye, Messi bleu një apartament në rrokaqiellin Porsche Design Tower në vitin 2019.
Bëhet fjalë për një apartament ultraluksoz me vlerë 8.4 milionë euro, i cili ka disa ashensorë të projektuar për të përshtatur makinat e banorëve.
Kështu, pronarët kanë mundësinë të parkojnë automjetet e tyre në apartamentet e tyre. Rrokaqielli ka 60 kate dhe është 25 minuta larg nga stadiumi Inter Miami.
Discussion about this post