Granit Xhaka do të humbasë ndeshjet kualifikuese të Botërorit ‘Qatar 2022’, pasi ka rezultuar pozitiv me Covid-19.
Federata Zvicerane e Futbollit ka bërë me dije se lojtari me origjinë shqiptare ka refuzuar vaksinimin e COVID-19 para se të rezultonte pozitiv me koronavirus.
Shefi i medias së Federatës Zvicerane të Futbollit, Adrian Arnold, konfirmoi se kapiteni i tyre kishte refuzuar vaksinimin.
“Granit Xhaka nuk ishte vaksinuar. Ne ia lamë këtë secilit lojtar, është një vendim personal i secilit dhe gjithashtu edhe si çdo person tjetër në Zvicër. Ne kemi lëshuar një rekomandim që të gjithë të vaksinohen. Por ai vendosi për veten e tij personalisht. Dhe është gjithashtu e drejta e tij të mos vaksinohet.
Të gjithë lojtarët e tjerë në ekip janë vaksinuar ose janë shëruar nga COVID-19, kështu që ata janë pak a shumë të sigurt, të paktën nga pikëpamja mjekësore. Prandaj, ne kemi një shkallë shumë të lartë të vaksinimit.”,- u shpreh ai.
Lojtari i Arsenalit është izoluar nga pjesa tjetër e shokëve të tij të Zvicrës dhe do vazhdojë të qëndrojë i izoluar derisa të rezultojë negativ në test./Gijotina.com
