Monika Lubonja ishte një nga konkurrentet e Big Brother Vip që ra në sy për origjinalitetin dhe lehtësinë në përshtatje. Edhe pse jetonte me një grup të rinjsh, që shpesh e quajti “brez patatinash”, Monika ja doli të përcillte pafund energji. E sigurisht figura e saj mori goxha vëmendje, vëmendje për të cilën Monika kërkon të paguhet.
E ftuar në Glamour Zone me Ester Bylykun, aktorja reagoi për numrin e humorit, në të cilin Renada Caci e kishte imituar. “Më pëlqeu, por nuk e kuptova pse më bënë aq të sertë, unë jam më e ëmbël. Pastaj kishte veshur një xhaketë të gjatë, unë nuk jam ashtu. Atë vajzën , unë e kam shume xhan. Do ta takoj shumë shpejt se dua të pi një kafe me të, dhe t’i them: Tani më jep gjysmat e atyre lekëve që ke marr me figurën time”, u shpreh Monika. Aktorja që prej daljes nga Big Brother Vip u përfol shumë për miqësinë me Arjola Demirin, ku brenda shtëpisë ishin shumë të dashura me njëra tjetrën, ndërsa më pas u vu re një krisje mes tyre.
Discussion about this post