“Unë nuk jam budallaçkë”, të pathënat e Fifit, çfarë di Semi?

Pjesë e pandashme e shtëpisë më të madhe në Shqipëri, janë edhe thashethemet ose fjalët që hidhen lartë e poshtë për banorë të ndryshëm.

Kështu ka shkuar edhe dita e sotme për Semin dhe Benaidën, të cilat thuajse gjithë pasditen mbetën duke biseduar me njëra-tjetrën.

Ato kanë komentuar shumë situata që kanë ndodhur brenda “Big Brother VIP”, por edhe strategjinë e zgjedhur të disa prej banorëve. Diskutimi i tyre u ndal gjatë veçanërisht tek Fifi.

Semi tregoi se informacionet që ajo di për jetën e Fifit jashtë shtëpisë mund të jenë shkatërruese nëse do të vendoste t’i shprehte publikisht.

‘’Me aq gjëra sa di unë për atë jashtë unë po të dua mund të shkatërroja shumë gjëra”- tha ajo.

Semi shtoi se çdo veprim dhe sjellje e saj ka ardhur si rezultat i faktit se nuk ka dashur të mërzisë shumë prej banorëve.

‘’Unë nuk jam budallaçkë, nuk jam. Thjesht nuk dua të mërzis shumë persona’’- shtoi ajo.

Rikujtojmë se Fifi ka ka treguar disa momente nga marrëdhënia e saj me Semi, para se të bëheshin pjesë e “Big Brother VIP”.

Gjatë bisedës me Granitin, Fifi ka treguar se Semi ka qenë në një gjendje mjaft të keqe dhe konsumonte vetëm cigare, alkool dhe ilaçe. Përpos kësaj, Fifi tha se Semi i shkruante minimumi dy herë në muaj, por ajo sërish nuk i kthente përgjigje. “Para se të hynim këtu, i kemi bërë bllok njëra-tjetrës,” tha ajo.

Në fund, çdo gjë sqarohet midis vajzave dhe Semi i kërkon të falur që nuk e ka falënderuar me fjalë, pasi nuk është një person që shprehet shumë, duke theksuar se është një nga gjërat që duhet të ndryshojë tek vetja.