United dhe City, “luftë” për talentin e Holandës

Manchester United pësoi një humbje të rëndë në Wembley në fundjavë, duke u mposhtur 1-0 nga Chelsea në finalen e FA Cup, pas golit të realizuar nga futbollistja australiane Sam Kerr në minutën e 69-të.

United shijoi më të mirën në 45 minutat e para të lojës, por aktivizimi në lojë i danezes Pernille Harder ndryshoi rrjedhën e lojës, me skuadrën e Emma Hayes që ngriti të tretën Kupë FA radhazi.

Trajneri i Djajve të Kuq, Marc Skinner, ishte në humor të mirë në konferencën e tij për shtyp pas ndeshjes, duke thënë se skuadra e tij “do të ngrejë trofe” në të ardhmen e afërt dhe, ndërsa ai synon të ndërtojë një skuadër të aftë për të konkurruar me elitën evropiane. Mediat angleze, bëjnë me dije se ai, synon nënshkrimin e futbollistes së talentuar holandeze Esmee Brugts.

Ende vetëm 19-vjeç, Brugts thuhet se i ka treguar PSV Eindhoven se është gati të ndryshojë ambient në verë me përfundimin e kontratës së saj dhe United do të bëjë një lëvizje për yllin e Holandës me 15 ndeshje këtë verë.

Ata përballen me konkurrencë të fortë nga një numër klubesh të tjera, megjithëse me Wolfsburg, Paris St-Germain, Frankfurt dhe rivalët e Superligës së Femrave, Manchester City, të gjithë kanë interes për sulmuesen e krahut.

Klubi tashmë ka konfirmuar kapjen e një ylli adoleshent me kapjen para kontratës të Evie Rabjohn nga Aston Villa, ndërsa raportohet se kanë interes edhe për të renë e Rangers dhe Skoci Emma Watson. Megjithatë, pavarësisht moshës së Brugts, ajo do të shihej si një lojtare që mund të ndikojë menjëherë në nivelin e ekipit të parë.

E lindur në Heinenoord, Brugts shihet gjerësisht si një nga talentet më premtuese në Evropë dhe u përfshi në skuadrën e Holandës që arriti në çerekfinale të Kampionatit Evropian verën e kaluar.

Ajo tashmë ka shënuar katër gola me “tulipanët”, mbi të gjitha, duke shënuar në minutën e 93-të në një ndeshje kualifikuese të Kupës së Botës me Islandën në 2022.

Parashikohet të jetë një verë intriguese për United me disa yje të ekipit të parë, të cilave, i skadon kontrata gjatë verës. Skinner gjithashtu e ka udhëhequr skuadrën e tij drejt kualifikimit në UEFA Champions League për herë të parë dhe duhet të shtojë cilësi në të gjithë skuadrën e tij pasi ata synojnë të konkurrojnë në kompeticionin elitar të klubeve evropiane.