Manchester United e ka kthyer vëmendjen te mesfushori i Bayern Munichut, Leon Goretzka, kjo është ajo që bëhet me dije nga Sky Sports DE.
Man United aktualisht po synon arritjen e një marrëveshjeje për mesfushorin e Chelseat, Mason Mount, por është raportuar se ata mund të kërkojnë të nënshkruajnë me një tjetër mesfushor në afatin kalimtar të verës.
Sipas mediave gjermane, Goretzka është mesfushori më i fundit në radarin e United dhe klubi është i vetëdijshëm se pozicioni i tij është i pasigurt për shkak të interesit të Bayernit për nënshkrimin e Declan Rice.
Gazetari i Sky, Florian Plattenberg, shton se nuk janë zhvilluar bisedime apo negociata konkrete me Bayernin, por United mund të përballet me një detyrë të vështirë për të bindur yllin gjerman pasi ai nuk po kërkon një largim nga Bavaria.
United po fokusohet në shtimin e cilësisë në ekipin e parë dhe mesfusha mund të jetë një zonë kryesore e fokusit. Christian Eriksen dhe Casemiro patën sezone të mira debutuese me klubin, por dobësitë e të parit u shfaqën gjatë gjysmës së dytë të sezonit.
Eriksen ishte një titullar i rregullt për United pas rikthimit të tij nga një dëmtim në kyçin e këmbës, por paraqitjet e tij ishin larg të pranueshmes. Danezi hasi vazhdimisht vështirësi në qendër të mesfushës dhe një gjë e tillë u evidentua në finalen e FA Cup para zëvendësimit të tij të hershëm pas intervalit.
Mount mund të ofrojë shkallë më të mirë pune dhe kreativitet për United sezonin e ardhshëm. Goretzka është më i prirur në mbrojtje, por ai është i dobishëm edhe në fazën sulmuese.
Gjermani ka aftësinë për të bërë diferencën në kuadratin kundërshtar dhe ka shënuar gola të rëndësishëm për Bayernin. Sezonin e kaluar ai shënoi 6 gola dhe 6 asistime.
Nëse United planifikon të nënshkruajë të dyja, mund të ketë disa largime nga mesfusha për të kompensuar tarifat e mëdha të transferimit.
Të tillë si Donny van de Beek, Fred dhe Scot McTominay mund të largohen nga klubi. Mount vlerësohet në 70 milionë paund nga Chelsea, ndërsa Goretzka është vlerësuar me 56 milionë paund nga Transfermarkt.
Discussion about this post