United, pa zgjidhje, Rangnick nuk pëlqehet si trajner nga këta lojtarë

Pas shkarkimit të Ole Gunnar Solskjaer, Manchester United nuk po mundet që të gjejë një drejtues për stolin.

Mediat britanike raportojnë se ‘Djajtë e kuq’ janë shumë afër emërimit të Ralf Rangnick në këtë pozicion, por duket se dhe ky emërim ka për t’i hapur probleme.

Sipas ‘Daily Star’ ai nuk pëlqehet aspak nga yjet e ekipit si kapiteni Harry Maguire, Marcus Rashford apo Bruno Fernandes.

Duket se këta tre emra të mëdhenj të United do të dëshironin të kishin si drejtues të tyre trajnerin aktual të Paris Saint-Germain, argjentinasin Mauricio Pochettino, i cili më parë ka qenë në krye të  Southampton e të Tottenham, në Premier League.

Megjithatë vetë Pochettino e refuzoi një gjë të tillë, duke thënë se është i lumtur te PSG-ja.

Në një situatë të tillë Manchester United do e ketë shumë të vështirë të gjejë një zgjidhje, pasi dihet që vetëm një nga yjet e skuadrës të jetë i pakënaqur nuk arrihet të merren rezultate pozitive, e jo më tre prej tyre./K.T/Gijotina.com