Pas disa problemesh, të natyrës burokratike, mund të themi se më në fund, sulmuesi danez Rasmus Hojlund ka nënshkruar një kontratë pesëvjeçare me Manchester United. Kjo ka ndodhur vetëm pak orë më pare, sot.
Manchester United ka rënë dakord me Atalantën për çmimin e lojtarit pak ditë më parë. “Djajtë e Kuq” do të paguajnë 70 milionë euro për Hojlund, pavarësisht kërcënimeve të tyre fillestare për një sulmues që ende nuk e ka provuar plotësisht veten.
Megjithatë, Erik ten Hag duket se ka insistuar që drejtuesit t’i japin Atalantës çmimin e kërkuar në mënyrë që ata të kenë sulmuesin. Sezonin e kaluar ishte pikërisht ky pozicion që i shkaktoi më shumë probleme holandezit, i cili përdori në të Anthony Martial dhe Vaut Weghorst. Megjithatë, të dy nuk treguan rezultate mjaft të mira.
Hojlund do të prezantohet zyrtarisht për tifozët më 5 gusht, kur “Djajtë e Kuq” do të luajnë një ndeshje miqësore me skuadrën franceze Lens.
Discussion about this post