Universitetet shqiptare kanë shpenzuar për kërkimet shkencore rreth 18 mijë euros duke patur një rënie prej 20 mijë eurosh nga viti i kaluar. Për libra dhe publikime janë shpenzuar nga të gjashtë universitetet së bashku 91,5 mijë euro, gati 76 mijë euro më pak nga viti paraardhës.
Për karburant për automjetet janë shpenzuar 121,5 mijë euro. Mesa duket drejtuesit e universiteteve nuk e kanë privuar veten nga këto shërbime edhe pse mësimi ishte online dhe ka shpenzuar karburantin e shtetit. Për dieta dhe udhëtime në një vit ku bota pezulloi udhëtimet, universitetet kanë shpenzuar 147 mijë euro kurse shpërblime dhe honorare 3,2 mln euro, 723 mijë euro më shumë nga viti paraardhës.
“Kurse në një vit pandemie ka një realitet absurd. Reth 130 mijë euro më shumë shkojnë për ruajtje godinash, në një shumë totale 1,9 mln euro. Ku objektivin kryesor ka kërkimin shkencor, pa të cilin do ishte një gjimnaz i avancuar. Në këtë godinë ku paguhet 1,9 mln euro për ta ruajtur dhe 17 mijë euro për kërkim shkencor nga paratë e studentëve . Një raport dramatik funksion-objektiv. UT ka shpenzuar 260 mijë euro për kamera sigurie”, u shpreh Migen Qiraxhi nga Qëndresa Qytetare.
Të gjitha këto fakte të pasqyruara shtojnë dyshimet për të kuptuar se çfarë po ndodh me paratë e studentëve. Është e qartë se me to abuzohet. Ulet komunikimi dhe rriten zërat për shpërblime honorare, udhëtime dhe dieta në vlerën 100 mijë euro. / Inside Story
Discussion about this post