Për të disatin vit fakulteti më i lakmuar në Universitetin e Elbasanit është fakulteti i Shkencave Mjekësore Teknike, i cili nuk ka asnjë vend të lirë për fazën e tretë të regjistrimeve.
Pasohet nga programet dy vjeçare në fakultetin e Shkencave të Natyrës, ndërsa vendin e fundit e zënë degët e mësuesisë.
Në një deklaratë për median Rektori i Universitetit të Elbasanit bën me dije se janë 15 programe të mësuesisë që kanë pak student të regjistruar, duke rrezikuar edhe mbylljen e tyre.
“Në universitetin ‘Aleksandër Xhuvani’, kemi rreth 15 mijë aplikime në dy raundet e para dhe rreth 2 mijë aplikime për degët profesionale ose 2-vjeçare. Kemi një rënie të numrit të studentëve në degët e mësuesisë. Ky nuk është një problem për universitetin ‘Aleksandër Xhuvani’, por është një problem për të gjithë degët e mësuesisë. Ka degë në disa fakultetin e Shkencave Humane të Natyrës dhe Edukimi, të cilat rrezikojnë që mos të hapen as këtë vit shkollor”- u shpreh Skënder Topi, rektor i UE.
Sot ka nis faza e tretë e aplikimeve e cila mbyllet më 26 tetor. Rektorati shpreson që kjo fazë të shpëtoj degët e rriskuara.
Për këtë vit akademik pranë UE aplikuan mbi 15 mijë studentë, duke e mbajtur shifrën të përafërt me atë të një viti më parë. Paralel me regjistrimet po kryhet edhe procesi i vaksinimit të studentëve, por vërehet një interes i ulët i tyre për tu vaksinuar. Kjo gjë ka angazhuar institucionin arsimor të kryeje exitpollet vetjake.
