Dafina Zeqiri dhe Era Istrefi janë shumë aktive në rrjetet e tyre sociale ku postojnë foto dhe video të ndryshme si nga jeta e tyre private po ashtu dhe profesionale. Së fundmi, dy këngëtaret kanë bërë ‘xing’ me postimet e tyre në Instagram, ku nuk kanë munguar as ‘thumbimet.’
Dafina publikoi në Instagram, Instastory disa foto ku shihet e veshur me një fustan dhe me një stil të ri të flokëve, konkretisht me baluke. Nuk mungoi as një foto tjetër e Era Istrefit e cila ka postuar një foton e saj e cila shihet me baluke.
Por mbishkrimi i saj tregon hapur thumbimin e saj që ka për Dafinën e cila ka shkruar: “Trend bëj, nuk ndjek”. Komentuesit kaq kanë dashur dhe kanë filluar duke bërë komente të ndryshme madje edhe duke etiketuar Dafinën për ta parë postimin.
“Sherri” mes këngëtareve nisi pasi Dafina akuzoi publikisht Erën se i kopjoi vathët, ndërsa fansat e Erës e akuzuan atë se i ka kopjuar veshjen. Dafina publikoi këngën e re me titull “Dhimbje, dhimbje” në klipin e të cilës shfaqet me një body të gjelbër. Por, fansat e kanë akuzuar se ajo ka kopjuar veshjen e Erës e cila pak kohë më parë u shfaq me të njëjtën veshje.
Discussion about this post