Formaldehidi, një kimikat i pranishëm në produktet për drejtimin e flokëve, paraqet një “rrezik të rëndë për shëndetin e njeriut”, sipas një paralajmërimi shqetësues të autoriteteve shëndetësore të SHBA-së. Në një hulumtim të autoriteteve që ka nisur prej kohësh mbi sigurinë e këtij kimikati, i cili përdoret në disa industri nga tekstilet deri tek ndërtimi, zyrtarët paralajmëruan se substanca që është “gjendet pothuajse kudo” rrit rrezikun për kancer, thote syri.net. Ekspertët kanë qenë për një kohë të gjatë të shqetësuar për praninë e kësaj substance në trajtimet kimike për drejtimin ose trajtimin e flokëve.
E listuar nën emrat formaldehid, formalin ose metilen glikoli, këto substanca përdoren bashkë me keratinën, proteinën me të cilën drejtohen flokët. Kur aplikohet nxehtësi në flokë në fund të trajtimit — nga tharësit e flokëve ose stilizuesit e flokëve — gazi formaldehid çlirohet në ajër. Ky gaz pa ngjyrë më pas thithet nga personat prezentë, duke shkaktuar, në më të mirën, acarim të syve dhe të frymëmarrjes dhe, në më të keqen, rritje të rrezikut për kancer në periudhë afatgjatë.
Discussion about this post