U hodh nga Ura në Klos, 35 vjeçari i dërgoi mesazh bashkëshortes para vendimit ekstrem

Një person ka humbur jetën mbrëmjen e djeshme në Klos, pasi dyshohet se është hedhur nga Ura e Vashës, në rrethana ende të paqarta.

Burime pranë Policisë bëjnë me dije se viktima dyshohet të jetë banues në Zall-Bastar të Tiranës.

Dritan Lila, rreth 35 vjeç, nga Zall-Bastari, është personi që humbi jetën pasi u hodh nga Ura e Vashës.

Lila ishte i martuar dhe baba i një fëmije. Mësohet se, pak para ngjarjes, ai i kishte dërguar një mesazh bashkëshortes së tij, duke i njoftuar për qëllimin për t’u hedhur nga ura.

Sipas të dhënave paraprake, 35-vjeçari kishte udhëtuar me automjetin e tij dhe e kishte ndaluar atë pranë urës, e cila ka një lartësi prej rreth 152 metrash.

Dyshohet se i riu po përballej me probleme të rënda emocionale. Pak para ngjarjes, ai i kishte dërguar një mesazh familjes, ku i kishte lënë bashkëshortes amanetin për vajzën e tyre.

Bashkëshortja ka njoftuar menjëherë Policinë dhe familjarët, ndërsa kanë nisur kërkimet për gjetjen e tij.

Sipas të dhënave paraprake, 35-vjeçari punonte prej kohësh në zonën e Rrugës së Arbrit.

Trupi i Dritan Lilës u nxor nga ujërat mbrëmjen e djeshme, pas operacionit të kërkim-shpëtimit.

Autoritetet po vijojnë punën për dokumentimin e plotë të rrethanave të ngjarjes.