Gjatë të dielës, SHBA është goditur nga uragani i fuqishëm Ida, që preku rajonin e New Orleans.
Deri më tani nga ana e autoriteteve, thuhet se një person ka mbetur i vdekur, si pasojë e rrëzimit të një peme mbi shtëpinë e tij, ndërsa dëmet materiale janë kolosale.
Erërat që shkonin më shumë se 150 km, kanë rrëzuar pemë, prishur makina e shtëpi, ndërsa rrugë të tëra të qyteteve janë “pushtuar” nga uji. Intensiteti i uraganit ka rënë dhe aktualisht, autoritetet ndodhen në terren për të pastruar rrugët dhe dëmet e shkaktuara. Mijëra njerëz u zhvendosën nga shtëpitë, ndërsa ata që nuk ikën, u këshilluan të strehohen në vend.
Guvernatori i Luizianës, John Bel Edëards, tha se Ida mund të jetë uragani më i keq që godet shtetin që nga vitet 1850, por shtoi se autoritetet janë mirë të përgatitura.
Ndërkohë, presidenti i SHBA-së, Joe Biden paralajmëroi më herët se ky uragan do të ishte shkatërrues dhe kërcënues për jetën.
“Ky do të jetë një uragan shkatërrues, një stuhi kërcënuese për jetën”( Joe Biden).
Në vitin 2005, New Orleans është shkatërruar nga uragani Katrina, i cili ka lënë të vdekur mbi 1,800 njerëz.
