Urdhër-arrestet, Paloka: SPAK vepron me regji të Ramës, Velina e bashkisë nuk preket

Deputeti demokrat, Edi Paloka reagoi pas raportimeve se SPAK ka lëshuar disa urdhër-arreste lidhur me çështjen e inceneratorit të Tiranës.

Sipas tij, SPAK vepron me regji, ndërkohë që Erion Veliaj nk preket.

“Po mirë, si kërkoni të na e mbushni mendjen për të kundërtën kur themi që SPAK vepron me regji dhe është tërësisht në shërbim të Ramës…?!!! Se ja edhe po e lëmë ne SPAK-un “të bëjë punën e vet”, po këta vetëdiskreditohen… E në fund, mirë këto karagjozlliqet që vazhdojnë nxjerrin urdhër-arreste për ata që janë lajmëruar me kohë që të ikin, po qershia mbi tortë e kësaj çështjes së inceneratorit të Tiranës është Velina e bashkisë që jo vetëm nuk preket, por vazhdon të japë ende miliona për inceneratorin inekzistent!!!” shkruan Paloka.