Presidenti i SHBA, Joe Biden, e quan skandaloze kërkesën e kryeprokurorit të Gjykatës Penale Ndërkombëtare (ICC) për urdhër-arrest kundër kryeministrit izraelit Benjamin Netanyahu dhe ministrit të mbrojtjes Yoav Gallant.
“Kërkesa e prokurorit të ICC-së për urdhër-arrest kundër udhëheqësve izraelitë është skandaloze.
Dhe më lejoni të jem i qartë: çfarëdo që mund të nënkuptojë ky prokuror, nuk ka asnjë ekuivalencë – asnjë – midis Izraelit dhe Hamasit.
Ne do të qëndrojmë gjithmonë me Izraelin kundër kërcënimeve ndaj sigurisë së tij’, thuhet në reagimin e Biden.
Gjykata Penale Ndërkombëtare akuzon Benjamin Netanyahu, kryeministrin izraelit dhe Yahya Sinwar, liderin e Hamasit, për krime lufte dhe krime kundër njerëzimit.
Sipas kryeprokurorit, urdhrat vijnë pasi ata duhet mbajnë përgjegjësi penale për krimet si shfarosjen e civilëve dhe jo vetëm, vrasjet, përdhunime dhe akte të tjera si dhe marrjen e pengjeve etj.
Kryeministri izraelit Benjamin Netanyahu i ka thënë partisë së tij në parlament se vendimi i prokurorit të Gjykatës Ndërkombëtare Penale (ICC) për të kërkuar që të lëshohen urdhër-arreste kundër tij dhe ministrit të Mbrojtjes Yoav Gallant ishte skandaloz dhe nuk do të ndalojë asnjë luftim në Rripi i Gazës.
“Kjo nuk do të më ndalojë as mua”, theksoi Netanyahu.
Discussion about this post