Autoritetet greke kanë vijuar hetimet për zbardhjen e atentatit të ndodhur të dielën në Athinë, ku dy shqiptarë u vranë brenda një lokali. Kreshnik Çerçizaj, 41 vjeç mbeti i vdekur në vend dhe Armando Ogranja, ndërroi jetë në spital pas plagëve të marra. Ata u qëlluan nga një person i maskuar, i cili hyri brenda lokalit në qendër të sheshit Nea Smyrni.
Sipas informacioneve të OPEN, policia ka parë me kujdes pamjet nga kamerat e sigurisë të rrugës ku autori hyn brenda në lokal. Pasi shkoi vendngjarje, ai qëndroi jashtë për një kohë shumë të shkurtër për të gjetur objektivin e tij, përpara se të futej në kafene dhe të ekzekutonte gjakftohtësisht dy burrat.
Ekzekutimi ishte një “mesazh” mes bandave
Autoritetet vlerësojnë se pas vrasjes fshihet një larje hesapesh dhe se autori i përket një bande që ka dashur t’i dërgojë mesazh rivalit të saj duke vrarë viktimat. Sa i përket motivit, duket se ka lidhje me drogën. Sipas informacioneve, ekzekutori i dy shqiptarëve ndodhet brenda vendit. Informatorët kryesorë janë personat që ndodhen në burg, pasi viktima ka qenë i burgosur më parë në burgjet e Korydallos.
Urdhër ekzekutimi nga burgu?
Nuk përjashtohet që urdhri të jetë dhënë nga brenda një qelie, nga një shqiptar. Autoritetet vlerësojnë se ka qenë edhe një bashkëpunëtor, i cili mund të ketë qenë i ulur në kafenenë ku ka ndodhur vrasja dhe ka qenë duke informuar të armatosurin.
Discussion about this post