Dritan Zagani, ish-shef i Narkotikës dhe Trafiqeve në Policinë e Fierit, ka folur sot në “Zona Zero”, sa i takon megaoperacionit antikanabis nga policia. Ai zbuloi ndër të tjera se kur ishte dhe vetë drejtues në polici, nga ana e politikës kishte ndërhyrje. Dritan Zagani pohoi se është marrë një urdhër nga ish-ministri Tahiri që “ta zhduknin”.
“Personalisht, nuk kam qenë ndonjë drejtues madhor, kam qenë një drejtues i mesëm, asgjë më shumë. Mund t’iu them që kur isha në punë, mua më erdh fjala nëpër çipe, se përgjohesha unë, por përgjoheshin dhe përgjuesit. Dhe më është thënë “Urdhëri i ministrit Tahiri është të të zhdukim”. Gjetën të gjitha format për me më zhduk. E para, ishte të më çonin oficer roje andej nga Dibra. Nuk funksionoi, sepse ngrita zërin, u duhesh që të më mbyllej dhe goja, edhe u arrestova. Jo pa asnjëlloj prove, por pa asnjë baze ligjore. Dhe forma se si është bo, unë e kam në kurriz. Unë kam pas shefa të mitë, që thonin “Janë kushërinjtë e ministrit, nuk qasesh dot. Janë shoqëru kushërinjtë e ministrit në drejtori dhe as 5 minuta nuk kanë nejt në oborr. Dhe ato 5 minuta që kanë nejt duke i sha policat, erdhi urdhëri i drejtorit Ervin Hotaj: “Përjashta ata, urgjentisht me gjithë makinën”. Unë nuk kam qenë oficer policie nga politika, por jam që nga gjeneza”, tha Dritan Zagani.
Discussion about this post