Prokuroria e Vlorës ka nisur një hetim pas raportit të Kontrollit të Lartë të Shtetit për Qëndrën e Personave me Aftësi të Kufizuar në Vlorë, ku personat hanin ushqime të skaduara.
Proçedimi penal i bazuar në raportin e KLSH, ka bërë që të sekuestrohen një sërë dokumentash duke nisur që nga rikontruksioni i objektit ,i cili sipas raportit paraqet problematikë edhe pse i rikontruktuar dhe deri te mos regjistrimi i pronës si aset i Bashkisë Vlorë.
Prokurori i çështjes, Arian Xhaferri së bashku me OPGJ-në e Institucionit dhe drejtuesit e antikrimit ekonomik, pas mbledhjes së dokumentacionit, kanë nisur dhe marrjen në pyetje të personave të e cituar në raportin e KLSH .
Kontrolli i Lartë i Shtetit, është institucioni i cili ka zbuluar skandalin me godinën dhe territorin e institucionit për fëmijët me aftësi të kufizuara ku dyshohet se në heshtje po përgatitej tjetërsimi i pronës dhe fëmijët të largoheshin nga ky vënd për tu ndërtuar më pas objekte disa katëshe.
Discussion about this post