Ushtarakët shqiptarë të anijes “Butrinti”, pjesë e misionit SNMG2 TU 01,kanë shpëtuar 52 emigrantë nga Sudani dhe Jemeni që lundronin me një gomone që po fundosej në brigjet turke.
Efektivët shqiptarë bashkëpunuan me Rojën Bregdetare greke dhe atë turke dhe operacioni tregoi rëndësinë e bashkëpunimit dhe koordinimit mes vendeve në luftën kundër emigracionit të paligjshëm dhe trafikut të njerëzve, njoftoi ministria e Mbrojtjes.
“Një tjetër histori suksesi nga efektivët tanë të anijes “Butrinti”!
52 emigrantë nga Sudani dhe Jemeni u shpëtuan nga një gomone në rrezik në brigjet turke, falë bashkepunimit mes Rojës Bregdetare greke dhe asaj turke.
Ky operacion i suksesshëm tregon rëndësinë e bashkëpunimit dhe koordinimit mes vendeve në luftën kundër emigracionit të paligjshëm dhe trafikut të njerëzve.
Krenarë që efektivët tanë, pjesë e misionit SNMG2 TU 01, vazhdojnë të bëjnë një punë të jashtëzakonshme dhe të jenë shembulli më i mirë i përkushtimit dhe sacrifices”, thuhet në reagimin e ministrisë së Mbrojtjes.
Discussion about this post