Forcat ushtarake amerikane, të cilat janë vendosur në Shqipëri për stërvitjen ‘Defender 2021’, kannë shkuar përtej misionit të tyre. Ata kanë bërë një gjest të veçantë ditën e djeshme, teksa kanë shpërndare dhurata për nxënësit me aftësi ndryshe në shkollën ” Halit Coka” në Kamëz.
Dhuratat kanë qenë një kontribut me paratë e tyre, si pajisje shkollore, topa futbolli , basketbolli, volejbolli si dhe tableta. Lajmin e ka dhënë shkolla ‘Halit Coka’ në Kamëz përmes një postimi në ‘Facebook’.
“Event me rëndësi sot në shkollën tonë. Forcat ushtarake paqeruajtëse amerikane dhe të aleatëve vizituan shkollën e re me standarte bashkëkohore. Ekipi I kryesuar nga Koloneli i Divizionit 53 të Gardes Kombëtare të Floridës z. Blad si dhe përfaqësues të ambasadës amerikane në Tiranë,vizituan ambjentet e shkollës, ku shprehen konsideratat më të larta për infrastrukturën shkollore dhe mikpritjen e rezervuar nga shkolla për ta.
Në fund në shenjë mirënjohje dhe solidariteti ata me buxhetin e mbledhur nga xhepi i tyre dhuruan dhjetëra çanta me paisje shkollore , si dhe topa futbolli , basketbolli , volejbolli dhe tableta për nxënësit me aftësi ndryshe“, shkruhet në faqen e shkollës.
