Protestat sensibilizuese, masat mbrojtëse të marra nga policia, apo ngjarjet tronditëse të ditëve të fundit, nuk kanë penguar meshkujt shqiptarë të vijojnë të ushtrojnë dhunë fizike ndaj grave të tyre.
Kështu, në kuadër të punës për parandalimin e dhunës në familje, policia e Beratit ka vënë në pranga një 33 vjeçar pasi akuzohet se ka ushtruar dhunë fizike ndaj bashkëshortes së tij.
Në pranga ka rënë edhe E.B., 59 vjeç, banues në Berat, pasi në vendin e quajtur “Moravë”, është përfshirë në një përplasje me dëme materiale. Policia ka bërë ndalimin, e tij dhe pas kontrollit të ushtruar, u konstatua duke drejtuar mjetin në gjendje të dehur.
Materialet i kaluan Prokurorisë së Rrethit Gjyqësor Berat, për veprime të mëtejshme.
