Një konflikt në familje është parandaluar nga DVP e Elbasanit. Uniformat blu u vunë në dijeni të konfliktit duke shkuar menjëherë në vendngjarje. Në pranga është venë shtetasi 29 vjeçar, L. Zh., për dhunë në familje. Si të mos mjaftonte kjo, ai është akuzuar tashmë edhe për prodhim e shitje të lëndëve narkotike, duke parë që në banesën e tij u gjet një sasi lëndë e dyshuar narkotike.
Njoftimi
Parandalohet përshkallëzimi i një konflikti në familje.
Vihet në pranga 29-vjeçari, të cilit gjatë kontrollit në banesë iu gjet një sasi lënde e dyshuar narkotike kokainë.
Shërbimet e Policisë, pas njoftimit se një shtetas kishte dhunuar familjarët e tij, menjëherë kanë organizuar punën dhe kanë shkuar në banesën e kësaj familjeje, në lagjen “28 Nëntori”.
Falë ndërhyrjes në kohë të shërbimeve të Policisë, u bë i mundur parandalimi i përshkallëzimit të mëtejshëm të konfliktit në këtë familje, duke kapur dhe ndaluar 29-vjeçarin që ushtronte dhunë ndaj familjarëve të tij.
Në vijim të veprimeve, specialistët e Seksionit për Hetimin e Narkotikëve të DVP Elbasan arrestuan në flagrancë shtetasin L. Zh., 29 vjeç, për veprat penale “Dhuna në familje” dhe “Prodhimi dhe shitja e narkotikëve”, pasi ka ushtruar dhunë ndaj familjarëve të tij dhe gjatë kontrollit në banesë iu gjet një sasi lënde e dyshuar narkotike kokainë, e cila u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
https://www.facebook.com/policiashtetitshqiptar/posts/pfbid02pSNEWL2BPxsTT86Hw7UeLBPACXQg6tmWPKAbGibEyRqbCVbb7WV8KHqEHt9k91Lul?__cft__[0]=AZXyrvVcVR77jtiPhNMyP8Hvf1Nu-PjoSmpQOYWT3VPT2fWBSnpSTehZhVv8p3NnRuq49LRU2GtNyWi81QsOfd6f4JPv1YBdxHPHpRCiZbT_2SEExtBYrDJirfv9BjWjUZKAIAHz_5qmAO_kSUjcFLvOhW88krJh_y6GUlnHHitbeT5cLYOpOKnCoQnLG8qOn5S-jj4HGh2b1p0qpbdFDh5n&__tn__=%2CO%2CP-R
Discussion about this post