Ushtruan dhunë ndaj grave, arrestohen dy vlonjatë

Ditën e sotme kanë rënë në prangat e policisë, dy vlonjatë pasi bëhet me dije se kanë ushtruar dhunë ndaj bashkëshorteve të tyre.

Lidhur me ngjarjen, specialistët për Hetimin e Krimeve të Komisariatit të policisë Vlorë arrestuan në flagrancë, për veprën penale “Dhuna në familje”, qytetarët me iniciale Xh. K., 31 vjeç, banues në Vlorë, pasi ka goditur me sende të forta, për motive të dobëta, bashkëshorten e tij dhe qytetarin tjetër me iniciale G. R., 60 vjeç, banues në Vlorë, pasi ka ushtruar dhunë fizike ndaj bashkëshortes së tij.

Materialet i kaluan Prokurorisë, për veprime të mëtejshme.