Dy të rinj janë arrestuar sot nga Policia e Tiranës të akuzuar për dhunë në familje. Sipas burimeve, Specialistët për Hetimin e Krimit arrestuan në flagrancë të shtetasve R. M., 31 vjeç dhe kushëriri i tij shtetasi L. P., 18 vjeç, pasi shtetasi R. M, ka ushtruar dhunë fizike dhe psikologjike ndaj familjarëve të ish-bashkëshortes së tij, ndërsa shtetasit L. P, gjatë kontrollit fizik të ushtruar iu gjet dhe iu sekuestrua një armë e ftohtë(dorezë metalike).
Ndërsa një 32-vjeçar banues në Tiranë është arrestuar, pasi ka dhunuar bashkëshorten e tij, e cila është e pajisur me urdhër mbrojtje. Nga specialistët e Qarkullimit Rrugor u bë arrestimi në flagrancë i shtetasit A. D., 61 vjeç, pasi u kap duke drejtuar mjetin në gjendje të dehur. Policia njofton se, ka dërguar në Prokurorinë e Tiranës të gjitha provat e grumbulluar për arrestimet e kryera, për të zbardhur më detajisht ngjarjen dhe shkaqet që çuan të arrestuarit në këto veprime.
E.H/ gijotina.com/
