Lagja Uznovë në Berat është përfshirë sërish nga flakët. Këtë herë burime për gijotina.com bëjnë me dije se zjarri ka rënë pranë disa banesave në këtë zonë. Ndërsa, kanë qenë vetë banorët e lagjes ata, që pas shfaqjes së zjarrit, kanë lajmëruar Repartin e Zjarrfikëseve.
Fatmirësisht nuk ka banesa të rrezikuara, ndërsa zjarri mendohet të jetë vënë nga vetë banorët, që kanë kryer djegie të mbeturinave në oborret dhe kopshtet e tyre dhe i ndihmuar nga era, flakët e zjarrit janë përhapur me shpejtësi në tokat e kopshtet fqinje si dhe afër banesave. Si rezultat i zjarrit është shkrumbuar totalisht një kasolle bagëtish, me gjithë rezervat ushqimore të kafshëve që ndodheshin brenda kasolles
Burime për gijotina.com gjithashtu bëjnë me dije se ai pasojë e zjarrit janë djegur edhe rreth 2 ha toka bujqësore dhe disa pemë frutore.
Theksojmë se është hera e disatë që banorët e Uznovës shkaktojnë vatra zjarri si pasojë e pakujdesisë. Ndërsa nga ana tjetër edhe ndërhyrja e zjarrfikësve ka “lënë për të dëshiruar”.
