Uzuni bëhet shok skuadre me dy-herë kampionin e Europës

Myrto Uzuni duket se do të ketë shok skuadre, një futbollist, i cili ka fituar dy herë UEFA Champions League.

Mbrojtësi spanjoll i Realit të Madridit, Jesus Vallejo thuhet se do të largohet këtë verë nga “Los Blancos” në formën e huazimit.

Siç raportojnë mediat spanjolle, klubi kryeqytetas ka rënë dakord me Granadën për shërbimet e 26-vjeçarit.

Ai do të bëhet kështu shok skuadre me sulmuesin e Kombëtares, teksa Granada do të ketë si synim mbijetesën.

Kjo do të jetë eksperienca e dytë e Vallejos, me uniformën kuqebardhë, pas asaj të sezonit 2020-2021.