Leila Kurti ishte 6 vjeçarja shqiptare që humbi jetën si pasojë e një aksidenti automobilistik. Fëmija shqiptar ndodhej me familjen e saj në makinë, kur kjo e fundit u godit nga pas nga një tjetër automjet.
Babai i të miturës Gentjan Kurti është marrë në pyetje lidhur me aksidentin nga Prokurori i Bolonjës. Ky i fundit kërkon të konstatojë nëse Leila ishte e lidhur mirë me rripat e sigurimit, në momentin e përplasjes. Nga hetimet, nëse provohet se viktima nuk ka qenë e lidhur sipas rregullave, mund të ngarkojë me përgjegjësi penale babain e vajzës, më konkretisht si “bashkëpunëtor në vrasje në rrugë”.
Krahas Gentjan Kurtit, babait të fëmijës, në pyetje do merret edhe personi tjetër i përfshirë në aksident, një banor i Modenas.
Mjekët kanë 60 ditë kohë për të paraqitur rezultatet e autopsisë.
Ndërkohë, sqaron avokati, të dhëna të tjera mund të nxirren nga kartelat mjekësore të sekuestruara në spitalin Maggiore, ku Leila u shtrua menjëherë në gjendje shumë të rënda. E mitura iu nënshtrua dy operacioneve delikate, por fatkeqësisht nuk mundi të mbijetojë.
Discussion about this post