Një vajzë e mitur 12-vjeçe me inicialet, A.I. nga qyteti i Vitisë prej gjashtë ditësh është larguar nga shtëpia e saj. Familjarët e 12-vjeçares ende nuk kanë ndonjë informacion për vendndodhjen e të bijës.
Nëna e saj tha se 12 vjeçarja është larguar nga shtëpia për të pestën herë dhe që gjatë bisedës me të bijën ajo i kishte thënë se disa persona i kishin dhënë për të pirë lëndë narkotike.
Prandaj 6 muaj më parë për këtë rast sipas policisë dy persona kanë qëndruar në paraburgim pasi të njëjtit dyshohet të kenë pasur kontakt me të miturën dhe që të njëjtit janë në procedurë gjyqësore.
Nga gjykata e kishin të pamundur të sqarohen në ditë fundjave, derisa nuk dihet nëse largimi i tanishëm i miturës lidhet me personat në hetim.
Ndërsa të premten familjarëve iu erdhi një mesazh nga numri i bijës duke ju thënë se ajo gjendet në spital, shkruan klankosova.
Discussion about this post