Vajza e rreshterit Afrim Bunjaku, Arbenita, ka theksuar në mbledhjen përkujtimore, që po zhvillohet në nderim të policit të vrarë nga terroristët serbë se Kosova do ta kujtojë atë gjithmonë me dhimbje dhe me mall.
“Heroi im, babai im, sa vështirë e kam të shkruaj për ty babai im, para kohës mbeta jetim, kurrë se kam besuar. Ika jote na la një plagë të madhe në zemër. Babi nuk e di si do të jetoj pa ty. Hyra brenda në shtëpi dhe ty nuk të pash, e rëndë për mua, vendin tënd në shtëpi nuk e zëvendëson askush.
Të gjitha na e besove, por si të jetojmë pa ty asnjëherë. U flijove për këtë vend që ne dhe Kosova që të jemi krenar për heroizmin tënd. Do të jemi krenar për ty, me mall dhe me dhimbje do të kujtojmë”, u shpreh me sy të përlotur Arbenita.
Discussion about this post