Vajza e Travis Scott ishte në koncertin tragjik ku vdiqën tetë fansa të tij

Kylie Jenner dhe vajza e saj Stormi ishin të dyja të pranishme në festivalin muzikor të Travis Scott ku tetë persona humbën jetën tragjikisht.

Ylli 24-vjeçar, e cila është shtatzënë me fëmijën e saj të dytë, postoi disa klipe nga eventi Astroworld teksa i dashuri i saj u ngjit në skenë.

Motra më e madhe e Kylie, Kendall, fluturoi gjithashtu në Teksas për të mbështetur Travis në ngjarje dhe ndau fotot në prapaskenë ndërsa ekuipazhi përgatitej për shfaqjen.

Shfaqja më pas u ndërpre pasi disa persona pësuan lëndime. Shefi i Zjarrfikësve të Houston, Samuel Pena, tha se qindra njerëz u trajtuan në vendngjarje për lëndime.

Turma filloi të ngjeshej drejt pjesës së përparme të skenës dhe njerëzit filluan të panikosen. Pena shtoi se kishte rreth 50,000 njerëz në turmë kur ndodhi ngjeshja.