Një ditë pas krimit tronditës në Fier, ku 26-vjeçarja Emanilda Rama mbyti me tel babanë e saj, Anesti Rama, gazetarja Klodiana Lala ka zbuluar detaje të reja që hedhin dyshime mbi autorësinë e vetme të ngjarjes.
“Sipas deklaratës së saj, ajo pretendon se babai ishte fanatik dhe se ka pasur konflikte. Ajo punonte në një serë. Po punohet për gjurmët e gishtërinjve, për të parë nëse ka persona të tjerë të përfshirë. Pavarësisht se ajo e ka pranuar autorësinë, ngjarja mbart sekrete që pritet të zbulohen,” tha gazetarja.
Aktualisht, vajza ndodhet në paraburgim, ndërsa nëna e saj është shoqëruar për hetime, pasi dyshohet se ka ndihmuar në fshehjen e gjurmëve të krimit. Policia dhe prokuroria po vijojnë hetimet për të zbardhur plotësisht këtë ngjarje të rëndë familjare.
Discussion about this post