Policia e Durrësit ka arritur të gjejë armën, që dyshohet se është përdorur në vrasjen e Pëllumb Metës, ngjarje e zbuluar sot në Shënavlash në Durrës. E arrestuar për krimin është vajza 19-vjeçare e viktimës, Hygerta Meta, e cila është arrestuar. Nga raportimet mësohet se arma e krimit u gjet në një zonë moçalore, ndërsa vendin e ka treguar vetë vajza gjatë marrjes në pyetje.
Sipas asaj që vajza ka deklaruar, motivi i vrasjes ka qenë insistimi i të atit për ta fejuar pa dëshirë.
Viktima ishte me origjinë nga fshati Shëmri i Krujës. Prej shumë vitesh ishte vendosur në Shënavlash bashkë me familjen. Familja Meta përbëhej nga 50-vjeçari Pëllumbi, bashkëshortja, dy djem dhe dy vajza. Njëra prej tyre ishte e martuar.
50-vjeçari Meta u gjet i varrosur në kasollen e bagëtive brenda rrethimit të banesës së tij. Trupi ishte gjetur i mbështjellë me plastmas dhe pastaj është futur në gropë për të humbur të gjitha gjurmët.
Historia e kësaj ngjarjeje nis 10 ditë më parë kur Meta u denoncua i zhdukur. Disa ditë më vonë policia gjeti makinë e tij të parkuar në aksin rrugor Shënavlash-Sektor Rinia.
Pas hetimeve, policia siguroi provat që në fakt treguan se ai ishte vrarë.
Ngjarja po hetohet, pasi ka dyshime se vajza nuk e ka kryer e vetme krimin.
Discussion about this post