Nastsassia Nasko-s thotë ideja i lindi rastësisht. Disa ditë pasi Rusia pushtoi Ukrainën në fund të shkurtit, ajo shkroi një kërkesë në Twitter duke pyetur nëse dikush me makinë mund të ndihmonte në evakuimin e një të njohuri nga Kharkiv, një nga qytetet e para të Ukrainës që u rrethua nga trupat ruse.
Kur askush nuk iu përgjigj asaj, 23-vjeçarja shkroi në Twitter, me një gjysmë shaka, se do t’i dërgonte një foto nudo kujtdo që mund ta ndihmonte.
Brenda pesë minutave, ajo pranoi më shumë se 10 mesazhe. Pasi i dërgoi një foto nudo burrit që i ofroi ta ndihmonte, i njohuri i saj i largua në mënyrë të sigurtë nga Kharkiv.
Përvoja ndezi një ide dhe disa ditë më vonë në Ditën Ndërkombëtare të Gruas – Nasko dhe shoqja e saj, Anstasiya Kuchmenko, lansuan “TerOnlyFnas”.
Projekti ka një model të ngjashëm me OnlyFans, platforma sociale e bazua në abonim, që është bërë një mënyrë fitimprurëse për krijuesit e përmbajtjeve për të rritur për të fituar para. Nuk ka lidhje me OnlyFans, dhe kompania nuk iu përgjigj menjëherë kërkesës së Insider për koment.
Por në “TerOnlyFans”, paratë shkojnë drejtpërdrejt në ushtrinë ukrainase, në vend të krijuesve. Tre muaj më vonë, grupi ka mbledhur më shumë se 700,000 dollarë.
Shumica e donacioneve shkojnë për Mbrojtjen Territoriale të Ukrainës, megjithëse Nasko tha se projekti kishte dërguar gjithashtu disa para për organizatat e refugjatëve ose strehimit të kafshëve.
Që nga lansimi i faqes në internet, 35 gra dhe tre burra, shumica e të cilëve janë me bazë në Ukrainë, janë regjistruar për të dërguar fotografi tek donatorët. Vetëm 10 prej tyre kanë pasur përvojë të mëparshme me “OnlyFans”, ndërsa të tjerët i thanë Nasko-s se donin të dilnin vullnetarë për të ndihmuar Ukrainën, tha ajo.
Shumica e donatorëve janë nga Ukraina, megjithëse grupi ka marrë gjithashtu para nga njerëz në Holandë, Francë dhe Mbretërinë e Bashkuar, tha Nasko. Donacioni më i lartë që grupi ka marrë ndonjëherë ishte një pagesë në kriptovalutë prej 2,800 dollarë.
Discussion about this post