Kur kanë mbetur edhe 4 ditë kohë nga mbyllja e procesit të aplikimeve për vendet vakante në SPAK, mësohen emrat e kandidatëve që kanë aplikuar për një nga pozicionet e prokurorëve në Prokurorinë Speciale.
Kështu kandidatët që kanë paraqitur interes janë Ndini Tavani, Ols Dado, Kreshnik Ajazi dhe Albert Kuliçi.
Tavani është prokuror në Tiranë dhe më parë ai aplikoi për prokuror i SPAK, ndërsa një vendim i dyshimtë i KPK-së në procesin e Vetting, ndërpreu procesin e emërimit të tij. Gjithsesi, tashmë Tavani, i cili ka kaluar procesin e Vetting me sukses, duke u rikthyer pas vendimit të KPA-së, ka paraqitur sërisht kërkesën për një nga pozicionet vakante në strukturën e Prokurorisë Speciale.
Olsi Dado është prokuror në Prokurorinë e Përgjithshme. Edhe Dado ka kaluar procesin e Vetting. Dado ka marrë edhe një vlerësim pozitiv nga Komisioni i Karrierës pranë KLP-së.
Gjithashtu ka aplikuar edhe prokurori i Elbasanit Kreshnik Ajazi. Ky i fundit arriti me sukses të kthejë në një bashkëpunëtor Marjus Tafanin, i cili ka rrëfyer disa nga krimet e asaj që njihet si grupi kriminal i Laert Haxhiut.
Ndërkohë Albert Kuliçi është prokuror në Vlorë, madje zv.drejtues i kësaj Prokurorie. Pak vite më parë automjetit të tij iu vendos lëndë shpërthyese nga persona që ende nuk janë identifikuar.
Discussion about this post