Është miratuar me 126 vota pro e asnjë kundër Akti Normativ për blerjen e 500 mijë vaksinave nga kompania Pfizer. Pra, Akti Normativ është votuar si rradhëherë nga deputetët e mazhorancës dhe nga ata të opozitës pa asnjë kundërshtim apo abstenim.
Seanca e sotme u shoqërua me debate mes deputetëve të opozitës dhe mazhoranës për vaksinimin dhe krizën energjitike që pritet t’i kanoset vendit së shpejti.
Lideri i opozitës, Lulzim Basha ka ripërsëritur akuzën se qeveria ka fshehur shifrat e fataliteteve nga Covid dhe nuk ka bërë rimbursimin e ilaçeve për të infektuarit.
Nga ana tjetër akuzave për rritje të çmimeve si pasojë e keqmanaxhimit, nga qeveria, kryeministri Edi Rama tha se opozita është shndërruar si “mbeturina të Partisë së Punës”, që bën aleanca me viruse me tërmet, përmbytje dhe kriza në vend që të ofrojnë një zgjidhje.
