Vaksinimi i detyrueshëm për disa kategori ka zemëruar grekët.
Punonjësit shëndetësorë të Greqisë do të hyjnë në një grevë 6-orëshe të mërkurën. Qeveria ka pezulluar deri më tani 7 mijë anëtarë të sistemit shëndetësor pasi kanë refuzuar vaksinimin.
Sindikatat i kanë bërë thirrje gjithë mjekëve e infermierëve të spitaleve publike që në shenjë proteste të pezullojnë punën nga mëngjesi deri pasdite.
Protestat do të zhvillohen para Ministrisë së Shëndetësisë në Athinë, në Selanik dhe para çdo spitali.
Përballë frikës nga varianti “Delta” dhe të papriturave që mund të ndodhin në vjeshtë, qeveria greke vendosi që vaksina të jetë e detyrueshme për disa kategori dhe një gjë e tillë zemëroi një pjesë të qytetarëve.
