Vaksinimi i detyrueshëm po i shtyn studentët që të marrin edhe vendime ekstreme, pas disa protestave. Disa prej tyre kanë kërkuar që të ndërpresin studimet, pasi nuk kanë dëshirë të vaksinohen, por edhe nuk kanë mundësi financiare që të shpenzojnë për të kryer çdo javë tamponin, i cili kushton minimalisht 30 euro.
Sipas fotos të siguruar nga Gijotina.com, një student në Fakultetin e Studimeve Profesionale, Universiteti “Aleksandër Moisiu” në Durrës, ka bërë kërkesë që të çregjistrohet, teksa ka shkruar se arsyeja është vaksinimi me detyrim.
Ndërkohë ky është një vendim që të zgjojë edhe institucionet në vend, ku pritet të shihet nëse do të ketë një reagim nga Ministria e Arsimit apo Komiteti i Ekspertëve, pasi mund të jenë të shumtë studentët që do të ndërmarrin këtë hap.
Sipas një sondazhi të kryer nga një grup studentësh, deri më 18 Tetor, që ishte edhe data e nisjes së vitit të ri akademik, vetëm 40% e studentëve ishin pro vaksinës, ndërsa 60% ishin kundër.
