Epidemiologu Ilir Alimehmeti vazhdon të jetë kundër vaksinimit për fëmijët. Duke folur sot gjatë një interviste televizive ai tha se, rreziku po shtohet por gjithsesi nuk sugjerohet vaksinimi për fëmijët, pasi vaksina mund të jetë risk më vete për ta. Sipas mjekut, në këtë situatë mund të aplikohet vaksinimi vetëm për ata fëmijë që kanë probleme shëndetësore dhe janë më të rrezikuar nga koronavirusi. Por, duke theksuar se edhe në këto raste duhet të merret patjetër rekomandimi i mjekut të familjes dhe aprovimi i prindërve.
“Ngushëllime për familjen e të voglit, por sa i takon pjesës a mund të përfitojnë të gjithë, kjo nuk ndodh as në moshat më të mëdha dhe ka një përqindje më të vogël të rasteve. Moshat e vogla janë më pak të riksuara, dhe ja ky është rasti qe përmendem, pra të vaksinohen të gjitha moshat që janë në risk. Kjo nuk duhet të na bëj që të heqim sytë nga ajo që shohim në përditshmëri, sepse fëmijët e vuajnë më pak.
Nëqoftëse kemi të bëjmë me fëmijë që janë të sëmurë, dhe këtë e din vetëm mjeku dhe prindi i fëmijët, mund të përfitojnë dhe kanë të gjitha të dhënat që mund ti marrim parasysh, porsa i takon fëmijëve që kanë një listë të sëmundjeve, patjetër që do duhen të vaksinohen sepse risku i tyre është më i lartë, nuk po flasim këtu për fëmijë të shëndetshëm”, tha ai.
Duke qenë se Shqipëria ka miratuar edhe dozën e tretë të vaksinimit, epidemiologu Alimehmeti, thotë se për të marrë dozën e tretë varet nga në sërë faktorësh, siç janë nevoja për ta marrë, ecuria e sëmundje, në çfarë forme e kanë kaluar virusin.
“Nuk po flasim për popullatën skeptike, por duhet marrë parasysh se sa i përket dozës së tretë, jo të gjithë njerëzit e kanë seriozisht nevojën, duhet marrë parasysh disa elemente, sesa janë të sëmurë, si e kanë kaluar covidin. Sidomos moshat mbi 65 vjeç, të cilët kanë pak muaj që e kanë marrë dozën e dytë, dhe do ti shtojmë edhe moshat që kanë sëmundje të rrezikshmërisë së lartë, sidomos nëse nuk e kanë kaluar virusin. Nga pikëpamja e riskut është më e ulët. Pra është shumë e thjeshtë, kur ne kemi efektivitet prej 92 %, tani këtu flasim për 8 %, psh, ndër 11 vdekje, vaksina shpëton 10 përmes saj, kjo tani varet edhe nga trupi i njeriut, studimet bëhen për mesataren, por ka të bej edhe me faktorin individual”, u shpreh ai.
Alimehmeti thotë se metoda e vetme efikase është vaksinimi, dhe se nuk ka metodë tjetër që na tregon si të dalim nga emergjenca.
