Epidemiologët në vendin tonë dalin kundër propozimit të qeverisë për të vaksinuar adoleshentët. I pari që e ka kundërshtuar këtë teori është mjeku i njohur, Ilir Alimehmeti, i cili thotë se për fat të mirë, fëmijët dhe adoleshentët kanë risk shumë të ulët nga COVID-19.
Në një postim në Facebook, Alimehmeti analizon një studim të Universitetit të Kalifornisë, ku bëhet fjalë për riskun për shtrimin në spital pas vaksinimit dhe riskun për shtrimin në spital nga vetë COVID-19. Ky studim tregon se, për fëmijët nga mosha 12 -17 vjeç vaksina nuk ndihmon, por jep efekt të kundërt, i bënë ata imun. Sipas tij adoleshentët janë më të mborjtur nëse nuk vaksinohen por respektojnë protokollet anticovid.
“Në krahasim me shtrimin në spital nga vetë COVID-19: 3.7 – 6.1 fish më i lartë është risku pas vaksinimit të 12-15 vjeçarëve të shëndetshëm, 2.1 – 3.5 fish më i lartë është risku pas vaksinimit të 16-17 vjeçarëve të shëndetshëm. Risku për shtrim në spital gjatë 120 ditëve pas infektimit nga COVID-19 është: 44.4 / milion te adoleshentët e shëndetshëm, dhe 210.5 / milion te adoleshentët me të paktën një sëmundje bashkëshoqëruese. Risku për shtrim në spital pas vaksinimit me dy doza është: 162.2 / milion te 12-15 vjeçarët e shëndetshëm, 94.0 / milion te 16-17 vjeçarët e shëndetshëm”, shkruan doktori.
Po në të njëjtin mendim është edhe mjeku Erion Dasho , madje ai kundërshton edhe vaksinimin me detyrim. Sipas tij, vaksinat nuk janë 100% të sigurta, prandaj nuk duhet të detyrojmë as studentët dhe as pedagogët të vaksinohen.
Dasho thotë se, mënyra më e mirë është respektimi i masave dhe testimin i vazhdueshëm, sepse kështu piketohen më lehtë rastet e infektuara.
“Jo të gjithë personat e vaksinuar (qoftë edhe me vaksinat cilësore) përfitojnë mbrojtje. Së dyti, përvoja izraelite tregoi se shkalla e mbrojtjes që ofron vaksina ulet me kalimin e kohës, një rënie që sot vlerësohet 6% në muaj.
Këto dy probleme vendosin në pikëpyetje faktin nëse vaksina mund të përdoret me efektivitet si masë e vetme për të parandaluar përhapjen e virusit dhe përgjigjja deri tani është “Fatkeqësisht, jo!” Gjithmonë e më shumë vende e kanë kuptuar se përveç vaksinimit duhet vazhduar të merren edhe masa të tjera parandaluese në funksion të mbrojtjes së shëndetit publik”, tha ai.
