Një aksion i ndërmarrë në Elbasan ka vënë në pranga plot 8 persona të akuzuar për vepra të ndryshme penale. Fillimisht është bërë i mundur arrestimi i Ahmet Kushi, 31 vjeç, Aleksandër Hazizaj, 39 vjeç dhe Besmir Duka, 32 vjeç, të tre banues në Elbasan pasi në lagjen “5 Maji”, Elbasan, gjatë kontrollit të ushtruar në banesën e dy vëllezërve, shërbimet e Policisë gjetën dhe sekuestruan në cilësinë e provës materiale doza me lëndë narkotike të dyshuar heroinë, 3 aparate celular, një peshore të vogël që shërbente për peshimin e lëndës narkotike, një sasi municioni luftarak, kokrra të bardha të dyshuara si metadon dhe një sasi parash të përfituara nga shitja e lëndës narkotike.
Sakaq në pranga ka rënë edhe Shpëtim Memolla, 29 vjeç, banues në Peqin pasi është kapur nga shërbimet e Policisë, në aksin rrugor Elbasan-Tiranë, duke transportuar me një mjet tip “Range Rover”, 10 shtetas të huaj, kundrejt fitimit 50 euro për person, si dhe nuk i është bindur urdhrit të punonjësit të Policisë për të ndaluar.
Po ashtu blutë e Elbasanit kanë arrestuar edhe Engjëll Vishkulli 27 vjeç, banues në fshatin Klos, Cërrik, pasi duke drejtuar mjeti tip “Volkswagen”, është ndaluar nga Patrulla e Policisë dhe për të shmangur kontrollin i ka ofruar punonjësit të Policisë, një kartëmonedhë me prerje 5.000 lekë.
Ndërsa prangave të policisë nuk u kanë shpëtuar as N. F., 42 vjeç, banues në Elbasan, pasi më datë 25.08.2021, në lagjen “5 Maji”, Elbasan, në bashkëpunim me një person tjetër ende të paidentifikuar, dyshohet se i ka vjedhur Y. J., një shumë parash.
Gjithashtu, më datë 27.08.2021, dyshohet se i riu ka vjedhur një shumë parash, M. H.
Si dhe J. P., 36 vjeç, banues në Tiranë dhe H. M., 52 vjeç, banues në Elbasan, pasi janë kapur nga shërbimet e Policisë, duke drejtuar mjetet, në gjendje të dehur.
