Policia e Tiranës nëpërmjet një aksioni ka vënë sot në pranga 6 persona. Uniformat blu kanë bërë të mundur arrestimin e 46-vjeçarit B. U., i cili dyshohet se ka goditur me grushte personin e identifikuar me iniciale B. B., i cili aktualisht ndodhet në spital. Gjithashtu, është bërë i mundur dhe arrestimi i B. B., 66 vjeç nga Golemi i Kavajës.
Ai punonte topograf në Njësinë Administrative Golem dhe gjatë kësaj periudhe dyshohet se ka shpërdoruar detyrën në dëm të disa shtetasve.
Sakaq, gjatë natës, policia thotë se dy persona ende të paidentifikuar dyshohet se kanë vjedhur një shumë të papërcaktuar parash në firmën në pronësi të shtetasit A. D., ndërkohë po punohet për identifikimin dhe kapjen e autorëve.
