Policia e Tiranës ka zhvilluar një aksion në disa zona të kryeqytetit teska në pranga kanë rënë 9 persona për vepra të ndryshme penale dhe ka shpallur në kërkim një tjetër.
Policia njofton se fillimisht është bërë arrestimi në flagrancë iXh. Xh., 23 vjeç, pasi Gjykata e Shkallës së Parë Tiranë, e ka dënuar me 8 muaj burg, për veprën penale “Vjedhja”.
Po ashtu prangave nuk u ka shpëtuar as F. B., 32 vjeç, pasi Gjykata e Apelit Tiranë, e ka dënuar me 7 muaj burg, për veprën penale “Falsifikimi i letërnjoftimeve, i pasaportave ose i vizave”.
Në pranga ka rënë edhe S. M., 25 vjeç, pasi ka vjedhur një sasi lekësh dhe një aparat celular në automjetin e shtetasit Sh. A. Në cilësinë e provës materiale u sekuestruan sendet e vjedhura.
Si dhe B. B., 38 vjeç, pasi ka ushtruar dhunë fizike dhe psikologjike ndaj bashkëshortes së tij.
Gjithashtu F., 51 vjeç, U. G., 28 vjeç, A. M., 49 vjeç, E. K., 36 vjeç, dhe A. S., 21 vjeç, pasi u kapën duke drejtuar mjetet përkatëse në gjendje të dehur.
Ndër të tjera policia jep detaje se në rrugën “Babë Rexha”, kanë vjedhur një shumë parash në banesën e D. H. Punohet për identifikimin dhe kapjen e autorit.
Ndërsa më datë 06.09.2021, është bërë shpallja në kërkim e M. N., 33 vjeç sepse në rrugën “Maliq Muço”, për motive të dobëta është konfliktuar fizikisht me shtetasin A. P., 56 vjeç. Punohet për kapjen e tij dhe dokumentimin e plotë të ngjarjes.
