Plot 11 persona janë vënë në pranga për vepra të ndryshme penale në kryeqytet. Bëhet e ditur se në flagrancë është arrestuar një 26-vjeçar që ka kundërshtuar për shkak të detyrës punonjësit e policisë.
Gjatë kontrollit të çantës së dorës, të riut iu gjetën dhe sekuestruan sende me vlerë të dyshuara të vjedhura. Gjithashtu, 26-vjeçari në momentin e ndalimit është prezantuar si punonjës policie. Po ashtu, në pranga është vënë edhe një 29-vjeçar me iniciale S. B., 29 vjeç, pasi gjatë kontrollit të mjetit të tij, iu gjet dhe sekuestrua një dorezë metalike.
Kurse, Policia Kufitare ndaloi edhe personin e identifikuar me iniciale E. O., 45 vjeç, sepse Gjykata e Shkallës së Parë Tiranë, e ka dënuar me 3 muaj burgim, për veprën penale “Përdorimin me keqdashje i thirrjeve telefonike”.
Sakaq, Specialistët e Qarkullimit Rrugor arrestuan: O. Xh., 30 vjeç, D. Ç., 33 vjeç, G. Ç., 53 vjeç, R. O., 26 vjeç, E. D., 44 vjeç, P. K., 50 vjeç, A. I., 61 vjeç dhe S. K., 27 vjeç, pasi u kapën duke drejtuar mjetet përkatëse në gjendje të dehur.
