Një aksion është ndërmarrë sot nga policia e Tiranës teksa në pranga kanë rënë 5 persona.
Përmes një njoftimi për shtyp, uniformat blu bëjnë me dije se të rinjtë e identifikuar me iniciale A. B., 43 vjeç dhe D. V., 47 vjeç, kanë rënë në pranga pasi gjatë kontrollit të ushtruar në mjetin e tyre iu gjendën dhe iu sekuestruan një sasi me lëndë narkotike heroinë.
Po ashtu policia njofton se, gjatë patrullës janë arrestuar edhe dy tre personat e identifikuar me iniciale A. G., 33 vjeç dhe R. B., 22 vjeç, pasi u kapën duke drejtuar mjetet përkatëse në gjendje të dehur; B. H., 28 vjeç, pasi u kap duke drejtuar mjetin pa lejen përkatëse.
Pritet që personat në fjalë të përballen me akuzën për këto vepra penale. Ndërsa, materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore.
