Duket se nuk ka më histori, dueli i turit të dytë kualifikues të Conference League mes Tre Penne të San Marinos dhe letonezëve të Valmieras.
Në stadiumin e Seravalle, në shtetin e vogël në Apenine, miqtë nga Balltiku, shpartalluan rivalët e tyre me shifrat tre me zero, duke i dërguar në këtë mënyrë një sinjal të qartë Partizanit, rivalit të tyre potencial, në turin e tretë kualifikues të kompeticionit të tretë për klube.
Sfida në San marino, u zhbllokua në minutën e 33′, me Menan që realizoi golin e parë të takimit për Valmieran. Pavarësisht, nivelit modest që kishte skuadra e Tre Penne, u duk se mund të kishte ndonjë reagim të fortë nga ana e skuadrës vendase, megjithatë deri në fund të pjesës së parë, rezultati mbeti 1-0, për letonezët.
Në 45 minutat e dyta, Valmiera e shtoi presionin, duke hipotekuar më shumë gjasda, kalimin për në raundin tjetër. Ndoye dyfishoi shifrat për miqtë, në minutën e 47′, ndërsa Mena shënoi përsëri, kësaj radhe në minutën e 54′, golin e sigurisë absolute.
Pas këtij takimi, ndeshja e kthimit pritet që të jetë thjesht një formalitet, me Valmieran që tashmë, e ka një pjesë të përqendrimit të saj, te rivali që do të ketë në turin e tretë kualifikues (Partizani/Atletik Eskaldes)./m.b /gijotina.com
Discussion about this post