Përfundon Çmimi i Madh i Turqisë ku pa Valteri Bottas të kalonte i pari vijën e finishit. Një garë fantastike për finlandezin që e startoi në vendin e parë, dhe arriti ta administrojë këtë pozicion gjatë gjithë garës.
I dyti u rendit Max Verstappen i ndjekur nga Sergio Perez, një prapavijë e gjitha Red Bull, me këtë të fundit që i hoqi podiumin Charles Leclerc në kthesat e fundit.
Një paraqitje mjaft e mirë edhe për kampionin Lewis Hamilton, që pavarsisht faktit se rregjistroi kohën më të mirë ditën e djeshme, duhej të shlyente një penalitet prej 10 pozicionesh pas ndryshimeve në motorrin e tij, duke e përfunduar garën në pozicionin e pestë.
“Mirësevjen në podim”, e nisi intervistën pas gare David Couthard, me Valterri Bottas, por risia qëndron me Max Verstappen, që pas këtij vendi të dytë, ka pikët e nevojshme për të parakaluar Lewis Hamilton në renditjen e përgjithshme për pilot në Formula 1, me anglezin që tani zbret në vendin e dytë.
