Kreu i PBDNJ, Vangjel Dule, ka reaguar pas fitores së Fredi Belerit në Himarë përball Jorgo Goros. Në një prononcim për mediat tha se Fredi Beleri nuk kishte një kandidat rival, por të gjithë shtetin kundër tij, prandaj thotë se kjo fitore është mjaft e rëndësishme.
“Dua të përsëris se e ndjej për detyrim që t’ju falënderoj për rolin tuaj që e kërkova që në momentin e parë, ishte përcaktues për të vërtetën. Nuk ishte thjesht një fitore, por një triumf për Fredi Belerin. Një padrejtësi ekstreme, më akuzonin se u braktisa në Himarë, ja rezultati, është një mësim i madh, duhet të jemi realist, është një mësim i madh kjo që po ndodh sot në Himarë, se nuk kishim përballë një forcë politike, një kandidat rival, kishte kryeministrin, qeverinë, strukturat shtetërore, gjithsesi fjala e fundit u takon qytetarëve. Fredi Beleri do jetë një shembull për bashkitë në vend, dhe kjo bashki do kthehet në një Bashki model”, tha Dule.
Ndërkohë, Mbështetësit e Fredi Belerit kanë dalë për të festuar në Himarë duke thënë se janë të gëzuar. Ata nuk kursejnë komentet për Edi Ramën duke thënë se e kishin betejën me të, jo me Jorgo Goron. Ndërsa kujtojmë se Beleri ia mori fitoren Goros me vetëm 19 vota plus.
Discussion about this post