Dy muaj pas zgjedhjeve të pjesshme në Himarë, merr fund saga e ankimimeve për drejtimin e Bashkisë.
Vangjel Tavo certifikohet si qytetar i parë i Himarës edhe nga kolegji zgjedhor, i cili rrezoi padinë e bërë nga juristet e Sali Berishës dhe Vangjel Dules që kërkuan përsëritje të procesit zgjedhor të 4 gushtit me pretendimin se ishte manipuluar.
Me këtë vendim shkalla e fundit ankimore i hap rrugë komisionerit Ilirjan Celibashit që të mandatojë Vangjel Tavon për tu betuar si kryebashkiak.
Ne zgjedhjet e pjesshme të mbajtura në Himarë në 4 gusht kandidati i Partisë Socialiste fitoi me 1477 vota diference përkundrejt rivalit opozitar Petro Gjikuria.
Bashkia e lakmuar e Himarës u bë qendër e një konflikti të madh politik, pasi opozita e cilësoi arrestimin e kandidatit të saj Fredi Beleri të nxitur nga arsye politike, ndërkohë që prejardhja e tij greke futi në ngërç dhe marrëdhëniet diplomatike mes Shqipërisë dhe Greqisë.
Ai nuk e ushtroi asnjë ditë detyrën e kryetarit dhe pas vendimit të formës së prerë për dënimin e tij Kreu i KQZ-së Ilirian Celibashi deklaroi ndërprerjen e mandatit të tij.
Beleri ka ankimuar dekretin e presidentit për zgjedhjet e pjesshme, me një kërkesë për pezullim drejtuar Gjykatës Administrative të Tiranës me argumentin se është “në kundërshtim flagrant” me procedurat e Kodit Zgjedhor.
Gjatë kohës që Beleri priste verdiktin e drejtësisë drejtimi i kësaj bashkie ndryshoi disa herë me kryetarë të komanduar nga këshilli bashkiak i kontrolluar nga socialistët, ndërsa dy prej tyre Jorgo Goro dhe Vasil Bollano janë nën hetim për falsifikim apo abuzime me pronat.
gijotina.com/
Discussion about this post