Është mbyllur takimi i fazës “play-off” së Conference League, mes Astanës dhe Partizanit, ku skuadra kazake ka triumfuar me shifrat 1-0, ndaj Kampionëve të Shqipërisë.
Ndeshja e zhvilluar në “Astana Arena” të kryeqytetit kazak, foli vetëm për vendasit, të ciltë nuk arritën të fitonin me goleadë, falë pritjeve të Qirkos por edhe falë sistemit VAR, që anuloi tre gola të kazakëve.
Partizani zbriti në fushë, me idenë për të limituar dëmet, duke parë, që nuk krijoi pothuajse fare rrezikshmëri, me skuadrën e Zekic, që u duk shumë inferiore ndaj kundërshtarit.
Pjesa e parë foli vetëm për Astanan, që pas sulmeve të shumta, gjeti golin në minutën e 41’, me Loncar.
Në pjesën e dytë, ishte pothuajse i njëjti skenar si në fraksionin e parë, me miqtë që provuan të gjenin barazimin, por njësoj si në ndeshjen e Champions ndaj BATE, Partizani, kishte problem me shënjestrën përballë portës së Astanas.
Në fund vetëm 1-0, me Partizanin që duhet të ndryshojë mentalitet nëse kërkon kualifikimin për në fazën e grupeve.
Discussion about this post